wo bulaain toh kia tamasha ho
hum na jain toh kia tamasha ho

wo kinaron se khelne wale
doob jain toh kia tamasha ho

banda parwar jo hum pe guzri hai
hum batain toh kia tamasha ho

aaj hum bhi teri wafaon per
muskurain toh kia tamasha ho

teri surat jo itefaq se hum
bhool jain toh kia tamasha ho

waqt ki chaand saatain sagar
lout aain toh kia tamasha ho .. ...

Usne kaha mujh se kitna piyar hai
Maine kaha sitaron ka koi shumar hai

Usne kaha ke kon tumhe hai bohat aziz?
Maine kaha dil per jjise ikhtiyar hai

Usne kaha ke konsa tohfa tumhain main doon
Maine kaha wo sham jo ab tak udhar hai

Usne kaha khizan main mulaqat ka jawaz?
Main ne kaha qurb ka matlab bahar hai

Usne kaha sennkron gham zindagi main hain
Mai ne kaha gham nahi jab gham gusar hai

Usne kaha saath kahan tak nibhao gai
Maine kaha jitni ye sanson ki taar hai

Usne kaha mujhko yaqeen aaye kistarah
Maine kaha naam mera aitbaar ha