Khamooshi Ki Bhi Ek Zuban Hoti Hai
An Kahe Lafzoon Se Jo Bayan Hoti Hai

Laboon Se Kuch Kehne Ki Zaroorat Nahi Parti
Aankhon Se Hi Her Baat Ayaan Hoti Hai

Lafzoon K Hajoom Main Phanse Rehte Hen Aksar Log
Jab K Mohabbat Main Lafzoon Ki Zaroorat Kahan Hoti Hai

Kabhi Kabhi Lafz Hi Kyun Ahmiyat Rakhte Hain
Jab K Khamooshi Main Bhi Mohabbat Panhaan Hoti Hai

Her Baat Ka Izhaar Zaban Se Zaroori Nahi Hota
Koi Koi Baat Aankhoon Se Bhi Bayan Hoti Hai

Dil Ki Gehrai Main Chupi Mohabbat Ki Bhi
Khud Yeh Khamooshi Hi Pehchan Hoti Hai

Gehre Sannate K Peeche Bhi Ek Tofaan Bapa Hota Hai
Iss Tofaan Ko Bhanpna Her Ek K Bas Ki Baat Kahan Hoti Hai