Saya. (ghazal)

Shovna · Sun Apr 05, 2009 10:16 pm

phir kisi yaad ne raat bhar hai jagaya mujhko
Kya saza di hay mohabat ne khudaya mujhko

Din ko aaram hai na raat ko hai chain kabhi
Jaane kis khaak say kudrat ne banaya mujhko

Dukh to yeh hai ke zamane main mile gair sabhi
Jo mila hai woh mila ban ke paraya mujhko

Jab koi bhi na raha kandha mere rone ko
Ghar ki deewaron ne seenay say lagaya mujhko

aab to umeed-e-wafa tum say nahein hai koi
Phir chirago ki tarah kis ne jalaya mujhko

Bewafa zindagi ne jab chor diya hai tanha
Maut ne pyaar say pehloo main bithaya mujhko

Woh diya hoon jo mohabbat ne jalaya tha kabhi
Gham ki andhi ne subah aur shaam bujhaya mujhko

kaisay bhoolunga tere saath gujare lamhe
Yad aata raha julfon ka hi saya mujhko.....